Laugarvatnshellar

Afleggjarinn að Laugarvatnshellum er frá vegi 365 sem liggur milli Þingvalla og Laugarvatns
October 14th, 2017 - October 14th, 2017
Loading
Loading Map

Related Info

 
Í tilefni af evrópska menningarminjadeginum 2017 sem ber yfirskriftina Menning og náttúra verður tekið á móti gestum þann 14. október í Laugarvatnshellum í Bláskógabyggð. Hellarnir tveir hafa verið höggnir í móberg í Reyðarbarm ofan Laugarvatnsvalla, miðja vegu milli Laugarvatns og Þingvalla. Hellarnir hafa í gegnum tíðina verið í alfaraleið á milli Suður- og Vesturlands og hafa löngum verið notaðir sem ángingarstaður, afdrep fyrir gangnamenn og sem fjárhellar. Í upphafi 20. aldar hóf fólk fasta búsetu í hellunum og bjuggu þar tvær fjölskyldur hvor á eftir hinni og ráku meðal annars greiðasölu. Kristján X Danakonungar fékk þar í Íslandsheimsókn sinni árið 1921 skyr með rjóma hjá Vigdísi Helgadóttir húsfreyju. Mögulega hefur fólk hafist við í hellunum í fyrndinni en um það er erfitt að fjölyrða. Veturinn 2017 hafði Smári Stefánsson á Laugarvatni (Laugarvatn Adventure) forgöngu um að endurgera stærri hellinn, eins og hann var þegar síðast var búið í honum, í samráði við sveitarfélagið og Minjastofnun Íslands. Framkvæmdin hefur tekist geysilega vel og hefur Minjastofnun nú fengið Smára og félaga til að leiðsegja gestum um hellana og vera þannig fulltrúar og innlegg Sunnlendinga til hins evrópska menningarminjadags.

No visitor has been on this event

Have you been there?

Let us know: Yes, I have or share your story with others