Á Byggðasafni Húnvetninga og Strandamanna er mikill fjöldi gripa sem eiga rætur sínar að mestu í horfinni verkmenningu og eru lýsandi dæmi um þá miklu vinnu en um leið kunnáttu sem lá að baki því að bjarga rekatré undan sjó og koma því alla leið í nýtilegan hlut.

Safnverðirnir Benjamín Kristinsson og Gunnar Rögnvaldsson eru báðir fæddir og uppaldir á rekajörðum þar sem nýting rekaviðar var stór hluti af búsetu bæði á Ströndum og Skaga og búa yfir mikilli vitneskju um þessa verkþætti.

Farið verður yfir ferlið og sýnd einföld nýting reka í borðvið og staura, heiti hluta og verkfæra. Hákarlaskipið Ófeigur fær sérstaka kynningu sem fágætur menningargripur Íslendinga, smíðaður á Ströndum 1875.

Smærri munir verða einnig til sýnis og skoðaðir með tilliti til samsetninga og skreytinga.

Tímasetningar: Mánudagur 30. ágúst, þriðjudagur 31. ágúst, miðvikudagur 1.sept. fyrir nemendur skólabúða (Verði þær hafnar v/covid)

Fimmtudagur 2. september kl: 17:00 fyrir almenning.

Lögð verður sérsök áhersla á að ná til nýjustu íbúa svæðisins, sem eru fjórar sýrlenskar fjölskyldur sem fluttu hingað fyrir tveimur árum, með það fyrir augum að kynna íslenska verkmenningu fyrir þeim, heiti og hluti og hvernig þeir tengjast daglegu íslensku máli.

Address
6 Reykjaskólavegur, 500 Húnaþing vestra, Iceland