Stejjer tal-Jumijiet Ewropej tal-Wirt

Stejjer tal-Jumijiet Ewropej tal-Wirt

Is-sejħa għall-istejjer bħala parti mill-Jumijiet Ewropej tal-Wirt għandha l-għan li tidentifika d-dimensjoni Ewropea tal-monumenti u x-xogħol li l-komunitajiet fl-Ewropa qed jagħmlu fil-qasam tal-wirt. Tirrigwarda stejjer tal-passat jew eżistenti li l-komunitajiet jixtiequ jaqsmu u possibilment jiżviluppaw f'proġett li jkompli jikkontribwixxi għall-iżvilupp tal-komunitajiet tagħhom. L-istedina għal stejjer Ewropej ġiet imnedija bħala attività tas-Sena Ewropea tal-Wirt Kulturali 2018, li issa qed tfittex tibni fuq is-suċċessi tagħha, u tappoġġja l-Qafas Ewropew għall-Wirt Kulturali adottat f'Diċembru 2018 bil-għan li tiżgura l-impatt fit-tul tas-Sena Ewropea tal-Wirt Kulturali. Bħala parti minn viżjoni komuni dwar il-valuri Ewropej, ir-rebbieħa tal-Premju tal-UE għall-Wirt Kulturali / Premju Europa Nostra u s-siti li ngħataw l-Etiketta Ewropea tal-Wirt huma wkoll eliġibbli biex jipparteċipaw f'din is-sejħa.