Tagraíonn "oidhreacht bheo" do na cleachtais, an t-eolas agus na scileanna a tugadh ar aghaidh ó ghlúin go glúin, agus a úsáidtear go fóill sa lá atá inniu ann. Cuireann réimse scileanna, ceirdeanna agus gairmeacha ar ár gcumas ár n-oidhreacht a chothabháil agus a chaomhnú ar go leor bealaí. Tugann an téama seo deis dúinn breathnú níos géire ar an obair atá á déanamh ag coimeádaithe ár n-oidhreachta. Scrúdófar ann conas a tháinig oidhreacht an lae inné chun cinn mar oidhreacht an lae inniu, agus conas is féidir an oidhreacht seo a chosaint do na glúnta atá le teacht, a bhuí leis na daoine a chuireann a gcuid eolais ar aghaidh.

Soláthraíonn scileanna, cleachtais agus cuimhní, agus na bealaí ina roinnimid iad le chéile, braistint féiniúlachta agus leanúnachais. Bíonn an próiseas seo i gcónaí ag gluaiseacht, agus tríd an bpróiseas seo a fhiosrú mar ár dtéama bhliantúil, cruthóimid deis d'eagraithe imeachtaí é a fhiosrú go domhain, agus ag an am céanna meas ar an éagsúlacht chultúrtha agus ar an gcruthaitheacht a chur chun cinn.

Faigh amach faoi bhileog nua smaointe do imeachtaí!