I gcás eagrán 2020 de Laethanta Oidhreachta na hEorpa, táimid ag ceiliúradh oidhreachta agus oideachais. Ón tús, tá an t-oideachas ina chroílár d'fhiontar LOE agus tá sé fite fuaite sa gach a ndéanaimid. Tacaíonn sé leis na himeachtaí iomadúla a bhíonn ar siúl ar fud na hEorpa gach bliain, cibé acu ceardlann phraiticiúil do chúpla duine atá i gceist nó taispeántas poiblí mór ar líne. Nuair a oibrímid chun páistí cúig bliana d'aois nó daoine naoi mbliana is nócha d'aois a mhealladh, is mian linn go bhfágfaidh tionscnamh EHD 2020 oidhreacht a léiríonn acmhainneacht na hoidhreachta mar uirlis foghlama, agus mar inspioráid don todhchaí.

Chomh maith le bheith ina acmhainn shaibhir don oideachas, cuireann oidhreacht an oideachais féin bealach isteach ar fáil chuig ár gcomhoidhreacht Eorpach agus an oidhreacht a d'fhág sí againn inniu. Ón ról tábhachtach a bhí ag an Laidin i saol scoláirí na meánaoise ar fud na hEorpa, go dtí an úsáid a bhaintear aisti faoi láthair mar theanga na luibheolaíochta, an eolaíochta agus na teicneolaíochta, ciallaíonn sé go bhfuil go leor nasc oideachais ann inniu a leanann muid ag comhroinnt trasna ár dteorainneacha Eorpacha. Bhí tráth ann nuair a bhí an chuid is mó dínn in ann léamh a dhéanamh ar spéir na hoíche, bhí eolas bunúsach againn ar na plandaí ar fhéidir linn a n-ithe ón bhfiántas agus ar na cinn a d'fhéadfadh pianta boilg a leigheas. Bhíomar in ann ár dtithe féin a thógáil agus a threalmhú, ár mbia féin a fhás, ár gcuid éadaí, bróga, díonta tuí agus geataí miotail a dheisiú, ár seodra féin a dhéanamh, ár scéalta féin a insint agus ár bpáistí féin a mhúineadh. Bhí an méid a d'fhoghlaim tú agus tú i do pháiste ag brath ar d'ionad cónaithe, ar do stádas sóisialta, ar acmhainní agus ar thíreolaíocht na háite, agus is minic a bhí sé bunaithe ar an méid a bhí uait a fhios a bheith agat chun teacht slán. Sa lá atá inniu ann, tá an foghlaim níos aonfhoirmí - an méid céanna do chách. Úsáidtear na téacsleabhair chéanna ar fud na tíre agus ní mheastar go bhfuil sonraí an tírdhreacha áitiúil, na n-ábhar áitiúil ná na haimsire áitiúla ábhartha don chuid is mó de dhaoine nuair a théann siad ar scoil sa lá atá inniu ann. Mar thoradh air seo, tá scoilt tagtha idir muid agus na háiteanna ina mairimid, an fiadhúlra áitiúil, an tíreolaíocht agus an tírdhreach, agus na fadhbanna áitiúla a dteastaíonn réitigh áitiúla uathu. Ag am a bhfuil fíor-imní ann faoinár dtimpeallacht atá ag athrú, tá an oiread sin le foghlaim againn ó ár sinsir agus le cur in oiriúint dár riachtanais reatha.

Ní le haghaidh laethanta speisialta amháin atá an oidhreacht. Tá sé ar a cumas réitigh chruthaitheacha a thairiscint ar fhadhbanna agus cabhrú linn athshamhlú a dhéanamh ar an gcaoi ar féidir linn ár stair a úsáid chun smaointe nua a sholáthar do lá amárach difriúil. Do #LaethantaOidhreachtaEorpacha 2020, ba mhaith linn go bhfaighidh sibh athnasc leis an eolas, na traidisiúin nó na scileanna a shainigh bhur n-áit, agus trí sin a dhéanamh, athshamhlú a dhéanamh ar an méid a d'fhéadfadh an t-oideachas a chialú don 21ú haois.

Faigh inspioráid chun imeacht Láithreacha Oidhreachta na hEorpa a eagrú i measc na 101 Smaoineamh Imeachta a bhailíomar duit i mBéarla agus i bhFraincis. Nó i gcuid dena hacmhainní úsáideacha seoum Oidhreacht agus Oideachas.